“Stersc tres la vita”

Le travert prinzipal de chësc proiet é chël da motivé i studënc y les studëntes da ciaré de se instësc/ësses, da imparé a conësce y ascuté le corp y da tigní ince les orëdles y i edli daverc por capí sciöche ara ti vá ales porsones che ai á dlungia.

Implü dess i workshop arjigné ca i jogn y les jones ala vita da vigni de. Te cursc desvalis, sciöche chël da cujiné sann, ái la poscibilité da ciafé competënzes de vita.

Sön la basa de na inrescida sön i interesc desvalis, fata te dötes les classes, vëgnel pité da 3 workshop/referac por classa tl tëmp di 20.09.2021 al 31.10.2021.

Implü él preodü deplü sëres y dis de informaziun y formaziun sön tematiches desvalies por geniturs y insegnanc.