Edemes de practicum dles scolares de cuarta Lizeum

Sëgn de dezëmber unse nos de cuarta lizeum dles Scores Altes de La Ila albü la poscibilité da fá döes edemes de practicum. Vignöna de nos á podü chirí fora te ci setur che ara ess orü fá n’esperiënza nöia. La maiú pert de nos á mostré interes tl ciamp scolastich – dantadöt él gnü chirí fora la scora elementara y la scolina.

Tratan chëstes döes edemes unse imparé n gröm de cosses nöies y i un podü se fá na picia idea de sciöche ara ciara fora tl monn dl laur. Porvé fora val’de nü s’á desmostré completamënter val’d’ater co jí a scora.

A tröpes ti ál salpü na bela esperiënza, d’atres á indô capí che al n’é nia le laur che ares oress fá tl dagní.

De cör oressun rengrazié nüsc tutors y düc i colegs y les coleghes che s’á acomopagné y fat sintí da ciasa tratan chëstes döes edemes: Direziun Scores Bassa Badia, Direziun Scores Alta Badia, Direziun dles Scolines dla Val Badia, Ice Club Alta Badia, Ufize Copa dl Monn Alta Badia.