Iade de istruziun a Verona y al lech de Garda

Dai 26 ai 28 de aurí á i scolars y les scolares dles terzes classes dles Scores Altes La Ila fat n iade de istruziun a Verona y al lech de Garda. A Verona ái podü vijité la cité cun na mënaturisć, che i á dé de vigni sort de informaziuns interessantes. Rová te hotel al Garda á i scolars y les scolares albü la poscibilité da pratiché plü sorts de sport sciöche tennis, beachvolley, nodé o tennis sön mësa. Le secundo y le terzo de ái podü fá na roda con la e-MTB sön Monte Tremalzo y porvé da surfé a Brenzone. Ai á ince imparé val'cosses sura la storia, la geografia y la geologia dl lech. Do 3 dis de ativités y cun n gröm de impresciuns nöies él spo sté da gní derevers, do na buna ultima cena a Riva.