Jita söl Ciaulunch – Proiet WOWnature
Ai 17 de setëmber á la secunda ITE albü l´ocajiun da tó pert a un di proiec de WOWnature sön Planac, olache n bosch é gnü desdrüt dala tempesta Vaia.
Ara se trata de n program da imbosché zones danejades o nöies por combate la crisa climatica. I lëgns tol sö CO2 y compensëia insciö nostes emisciuns de gas serra. Do na cörta introduziun al proiet da pert de dui esperc á les scolares y i scolars ciafé n pice peció da senté contribuín insciö a smendré l´impat ambiental personal. @alta_badia_official