“Der Weg nach Europa”

Ai 22 de merz s’á les IV. classes dla scora alta da La Ila incunté cun döes V. classes da Türesc tl Ciastel de Tor. Trames döes les scores tol pert al proiet: „Der Weg nach Europa“. Tl cheder de chësc proiet vëgnel dantadöt traté temesc che reverda les veres de al dedaincö y i profugs.

En realziun a chëstes tematiches él gnü invié döes referëntes dla “Young Caritas”, che nes á cunté n pü’ de valch sura i profugs che röia tl’Europa, por ejëmpl che la maiú pert de chi che s’un sciampa, resta te so stat o te un di stac plü dlungia y che al é ma na picera perzentuala che vëgn t’Europa. Al é gnü baié dles ciases te Südtirol che ti é gnüdes metüdes a desposiziun ai profugs y sambëgn dles gaujes che condüj chësta jënt a lascé döt y s’un sciampé.
Le domisdé é gnü dediché ala mostra sön la pröma vera mondiala tla Ladinia, olache al é tomé l’azënt sön le destin di profugs fodomi.

Dër n gran dilan ti vá a döt le personal dl Museum Ladin Ciastel de Tor, che nes á metü a desposiziun i salfs didatics y nes á dé la poscibilité da fá n de de leziun n iade n pü’atramënter.