Griliada a San Ciascian

In jöbia, ai 15 de jügn, él sté n de n pü' particolar por nosta scora! Do les prömes döes ores de leziun sunse düc piá ia por ji a San Ciascian a fá na bela griliada! Le tëmp ê bel y da jí a pe únse ciafé cialt; ma bun che ún fat na palsa ite dal ciamp dal sport. "Palsa" ... le professer Zingerle s'á fat soghé al palé! Ala fin él ste dër da rí y do n valgönes partides s'únse indô metü sön tru por rové ite dal zënter de paslunch olá che le professer Suani y Pire apratâ bele dassënn liagnes. Sun rová ite cun na fan mata y ún chirí n post te ambria por sté a marëna. Ince valch de duc únse ciafé: na buna turta arjignada dal professer Suani. Do marëna sunse stá cun i pisc te ega y s'ún godü chësc bel momënt de comunité scolastica cina che, incër la mesa les trëi, êl gnü l'ora da pochené adöm y jì indô zoruch cuntra scora.