MOSTRA DI LINGAC

In lönesc, ai 26 de setëmber, á i scolari y les scolares dl Lizeum Linguistich da La Ila podü invié ala daurida de süa mostra di lingac.
Adöm cun la coordinadëssa dl proiet, Magdalena Lerchegger, y cun düc i insegnanc de lingaz, á i scolari y les scolares laoré fora jüc, coriosités y de vigni sort de informaziuns sura i 6 lingac che vëgn insigná te scora: ladin, talian, todësch, latin, franzesc y inglesc. A chësta moda án odü ite che le lingaz n'é nia ma gramatica y leteratöra, mo ince cultura, raisc y ince liam danter les porsones.
Ala daurida dla mostra á ince tut pert l'intendënt dles scores ladines Dr. Roland Verra y l'assessur ala cultura Dr. Florian Mussner. Intrami á albü parores de lalt por le proiet che vá ince a sotrissé l'importanza dl'insegnamënt paritetich y i vantaji che chësc porta por i studënc dles scores ladines.
I ghesć dla mostra á ince aprijé le bun patüc da mangé arjigné ca dala Uniun di Ostis dla Val Badia, sintin insciö ince la „saú di lingac“.
Chësta mostra s'á damané tröp tëmp y impëgn da pert dles scolares, di scolars y da düc i insegnanc, mo avisa por chëstes forzes investides éra garatada tan bun y á  porté a düc tröpes sodesfaziuns.