N film por ADMO

Tratan la pröma incuntada s’él gnü splighé cal che é l’obietif de chësta assoziaziun y sciöche le traplant dl miol funzionëia. Dedô unse metü man da cöie adöm idees por realisé n pice film te trёi lingac intitolé “Döes stories desfarёntes, le medemo valur”. ADMO  mostrará l film te d’atres scores canche al jará a presenté l’assoziaziun. Cun l’aiüt de Paolo Vinati sunse stá bugn da realisé n bel film, olache al vëgn lascé odëi döes stories paraleles: öna na storia cunta de n jonn che ciafa na scatora, te chëra che al é na monëda dër vedla laite y la vënn spo sön internet. Chësta vëgn cumprada da n ater jonn che l’adora por rové süa coleziun de monëdes. Tl’atra storia vëgnel mostré nosc iade tl ospedal da Bornech, olache i sun gnüs informá plü avisa sura le traplant. Che che orô á ciafé la poscibilité da se scrí ite tl register de ADMO. Sön 13 scolars él sté 5 che s’á metü a desposiziun. L’proiet é sté na esperiënza dër bela  por trames les classes. Nos un podü se confronté cun n argomënt dër sensibl y nia tan conesciü. I Rengraziun Paolo Vinati por nes avëi daidé la realisaziun dl film y la prof. Paola Tasser por avëi coordiné döt le proiet.