Educaziun ala legalité

Ai 09 de ma dl 2019 á les Scores Altes da La Ila organisé na incuntada cun la staziun di Carabinieri de Badia sön le tema „Educaziun ala legalité“.

Al’incuntada á tut pert düc i scolars de nosta scora: dales 11.15 ales 12.03 les cuartes y les cuintes classes, dales 12.03 ales 12.51 les prömes, la secunda y les terzes.

I studënc á ciafé informaziuns da pert dl Mar. Magg. Vettore Mirko dla staziun de Badia y dal Cap. Borghetto Stefano dla Compagnia da Bornech. Tratan chësta incuntada él gnü traté chisc argomënc: i social network y i dac sensibli, l’alcol y les conseguënzes por l’individuum y por döta la comunité, l‘adoranza de droghes.

I dui reladus á ciaré da descedé l’interes di scolars por la relaziun, spligan na pert teorica y fajon ince deplü ejëmpli pratics.

Sön i social network pón cherié plates personales por mëte sö minunghes, fotos, videos, les partí cun d’atri, che fej pert dla lista di contac; mo al se ascogn ince prighi doia, les porsones podess gní oget de atenziuns tl monn online, che ne é nia dejiderades.

N ater ejëmpl, che é gnü fat tratan la relaziun reverda l’importanza da tigní ite normes iuridiches, por ne ciafé nia straufunghes o sanziuns, che podess te val’caje ince avëi sciöche conseguënza n prozes, che ess spo n influs negatif por ci che reverda la cariera de laur.

Ai á daidé recordé che do che an á complí i catordesc agn pón ince gní acusá y plurá, cun les conseguënzes che chësc comporta.