Ince iö á frecuenté les Scores Altes a La Ila.

Ince iö á frecuenté les Scores Altes a La Ila.
I se l'un cuntada cun Jessica Del Negro

 Ciodí pa les scores altes a La Ila?

  1. Ciüna dles trëi scores aste pa frecuenté? Ciodí pa?

Iö á frecuenté la scora alta ITC (Istitut Tecnich Comerzial) a La Ila.  Al ê comot da ester dlungia ciasa y dal “de dla porta daverta” me â chësta scora dé convinziun.

  1. Ci mioresseste pa tö te chësta scora?

Ri da dí, iö m’á ciafé dër bun cun döt!

  1. Ciügn é pa i aspec positifs y i aspec negatifs dla scora alta a La Ila?

Al é na bona scora olache an impara bun 3-4 lingac, an pó porvé fora n püch da rové ite tl monn dl laur (simulimpresa y stage te cuarta classa). Aspec negatifs nen ciafi püc. Al é na picia scora olache an se conësc bun cun düc y al me sá dötes cosses positives.

  1. Ci pënseste pa dl “alternanza scuola-lavoro”? Ci esperiënzes aste pa albü cun le practicum che te as fat a scora?

Iö á albü dër na bona esperiënza. I sun stada n’edema tl ufize dla copa dl monn. I á podü daidé tröp, ai me á lascé fá tröpa corespondënza y i sun inant gnüda cherdada a daidé ince tratan la manifestaziun por plü agn alalungia.

 

Recorc!

  1. Ciügn é pa i plü bi recorc che te as dla scora alta?

I bi recorc resta i compagns, an se vëiga impó ciamó tröp! Les jites, la simulimpresa y i proiec desvalis resta tl cör.

  1. Ciüna é pa stada por te la plü bela esperiënza tratan tü 5 agn de scora?

Al nen é sté tröpes, mo le iade te cuarta tl’Irlanda é sté dër interessant, ince deache i ên i pröms che podô porvé fora na te esperiënza.

 

Tüa vita do l’ejam de stat!

  1. Ci aste pa fat do che te as stlüt jö la scora alta?

I á fat na esperiënza foradecá te England, spo ái metü man da lauré te banca, la Cassa Raiffeisen Val Badia.

  1. Te á la scora arjigné ca bun al monn dl laur/uiversité?

Sce, an á na bona base sides por le laur co por na université.  Vigni laur adora süa esperiënza, mo l’ITC m’á sigü dé na bona basa de partënza.

 

Aconsié nosta scora!

  1. Ciun arateste pa che sides le plü gran vantaje da frecuenté la scora alta a La Ila?

Le maiú vantaje é dessigü l’insegnamënt de cater lingac, che i adorun tres tla vita!

  1. Ti aconsiasseste tö a n möt de terza mesana nosta scora?

I ti aconsiëii da jí a ciaré les scores tratan le de dla porta daverta, an ciafa dessigü val’sbürla implü.